Steikið beikonið þar til það er orðið stökkt og gott, takið af pönnunni og skerið það í litla bita.

Steikið blaðlauk og sveppi saman á pönnu, bætið pepperóníinu og hvítlauk á pönnuna og steikið létt.

Skerið brauðið í teninga og raðið þeim í tvö eldföst mót, hellið blöndunni af pönnunni yfir brauðið. Skerið sólþurrkaða tómata og bætið út á ásamt ólífum og beikoninu.

Skerið kryddostana niður í bita og setjið í pott ásamt rjómanum, hitið þar til allt hefur bráðnað saman. Hellið rjómanum yfir blönduna í eldföstu mótunum og dreifið svo rifna ostinum yfir.

Hér er hægt að geyma réttina yfir nótt, pakkið þeim vel inn í plastfilmu og geymið inn í ísskáp.

Kveikið á ofninum, stillið á 180 gráður, bakið inni í ofni í u.þ.b. 20 mín eða þar til osturinn fer að verða gullin brúnn. Fallegt er að setja smá svartan pipar yfir þegar rétturinn kemur úr ofninum, berið strax fram.